Unsa Land

Wos i ma voastein kannt,
i lebat in am andan Land.
Ned oans, wo 's Bia aus 'm Wassahahn kimmt.
A ned, wo ma in am Biasee schwimmt.
Des san ned die Sacha,
di as Lem ausmacha.

Ich mächt raus aus am Land,
wo 's Hirn ned moi füa d' Hirnwurst langt.   *
Wo 's Ettikett mehr ois da Inhoid is,
wo 's hoast, ned weida ois wia bis ..
wo Integration bedeit, du derfst ned denga.
So a Land, des konnst da schenga.

Do konn i mi umschaung und frong,
stöban in oide Song,
ausmoin und konstruirn,
um Kaisas Bart diskutian
Gedankn macha um ois.
Intressian duads koan, jedenfois.

Und jez moi ganz ehrli,
in so am Land bin i entbehrli.
's Problem is, a in jedm andan Land
brauchst a möglichst weni Vastand.
Do gibt's scheinba nua oa Lösung - wenig komod -
du hockst di hi und wartst auf 'n Dod.

 

© BS motor

 

 

 

Weitere Clips im Youtube-Kanal w2011s

Zum Seitenanfang